कथा - लघुकथा



लघुकथा : ऋण

ए साहिला बुढा, अब माथल्लो तल्ला थपौ है, हामी माथी बसौं र तल पट्टीको सबै फल्याटै भाडामा दिऊँ भन्दै थिई मेरी साहिली बुढी। कहाँबाट पैसो ल्याउ, माथल्लो तल्ला थप्न ? मुखले भन्ने बित्तिकै सजिलो छ र ?

साहिलीले भन्न थाली फेरी, ऋण खोजेर गरुम न , तपाईले बैंकसंग दुईचोटी कारोबार गरिसक्नु भएको छ, तपाइलाई बैकले जति पनि बिश्वास गर्छ, बैकको आँखामा तपाई एक कुशल ऋणी प्रमाणित भै सक्नु भएको छ, कसो न देला त बैंकले ऋण तपाईलाई?

"मेरी साहिलीलाई माथ्लो तलामा बसेर पुरै आफ्नो गाउँ टोलको मनोरम दृश्य हेर्ने इच्छा जागेछ कि कसो भन्दै, बल्ल बल्ल त दुईचोटी ऋण लिएर बनाएको घर बेच्दै हिडेको हेक्का साहिली लाई पनि थाहा भएकै हो।" अब यो तेश्रो घर पनि धितो राखेर ऋण लिनु पर्ने भो ।

"हेर साहिली दुइवटा घर हामीले ऋण उठाउदै, अलिक केहि फाइदा हुदै बेच्यौ, ऋण पनि तिर्दै फेरी अर्को ठाउँ घर बनाउँदै फेरी ऋण लिदै घर बनायौ, यो घरमा अब कुनै पनि बैकको ऋण छैन, जे छ धेर थोर यसैमा रमाऊ, यहि घरमा प्राण जाने बाटो कुरौ।"

"साहिली मान्दै न मान्ने, मलाई जसरी नि माथ्लो तल्लामा बस्ने रहर छ, त्यो नाथे ऋण त तिरि हालिन्छ नि।" तल भाडा लगायो, भाडाको पैसा उठायो, फेरी तपाईको पैसो आउछ बोनस भनो, दशैं पेश्की, असारको मेडिकल, यी पैसाहरु जम्मा गर्दै तिर्न सकि हालिन्छ नि । अब तपाईको जागीर पनि कत्ति दिन छ र तीन बर्ष त हो नि अफिसबाट उपदान आइ हाल्छ, तिरि हालिन्छ ।

म भने जागीर पश्चात, अफिसले दिएको उपदानबाट एउटा टेक्सी किनेर चलाएर जिविका धान्ने सोच बनाउछु, श्रीमती चाहि उपदान ऋणमै सधाउने गरी माथ्लो तल्ला थप्ने योजना बनाउछिन ।

"ऋण सदुपयोग गर्न सक्नु पर्छ, दुरुपयोग भयो भने मात्र डुबिन्छ नि बुढा भन्दै थिई साहिली बुढी ।"

यसो सोचे ल ठिकै छ तिमी नै त हौ मेरो जीवनको लामो यात्रामा संग संगै हिड्ने साथी, तिमी दुखी,  म दुखी- तिमी सुखी, म सुखी । ल भोलि नै म बैक गएर बुझुमलाँ ऋणको ब्याजदर के छ भनेर । फेरी ऋण तिर्न न सकेर मेरो फोटो सहित नाम निकालि दियो भने त्यसको जिम्मेवारी तिमीले लिनु पर्छ। यसपाला म अलिक कडक भएँ।

मैले यति भन्न भ्याएकै थिइन, पहिलो पटक उनले हतासिएको स्वरमा भनिन, "भो भो तल्ला न थपौ बरु टेक्सी नै किनौ ।"


नब साहित्य डट ओआरजी

सम्बन्धित थप सामाग्रीहरु :

लघुकथा : कुमारी केटी ! - 2018-03-18

राजनितिक, सामाजिक र धार्मिक क्षेत्रमा नाम कमाएको आर्थिक हिसावले पनि समूद्ध मदन बहादुर समाजको अगुवाई हो । हरी बहादुर जस्ता धुर्त र पाखण्डीलाई राम्रो काम गर्न अगुवाई गर्ने मदन बहादुर समाजमा राम्रो काम गर्न चेतना फैलाउने निशकलङकको आदरनिय ब्यक्तित्व थियो ।

लघुकथा: रातकी रानी - 2018-02-24

अफिस सकिएपछिका नयाँ पार्ट्नर दुईजना । आज पनि एउटै टेबलमा आमने सामने छन । भट्टमास र सुकुटीको सितान सहित चुस्की लाउदै गफ चुट्दै छन एक आपसमा । एउटाले मोबाइल देखाउदै बोल्यो -

लघुकथा : मेरी श्रीमती - 2018-02-11

मेरो पुरुष नजरले देखेर बोलेको शब्द वाह् क्या च्वाँक मेरो पसल भन्दा अगाडी, कति राम्री जिउडाल मिलेको कुनै आईडल जस्ती केटी ! मेरो मन,नजरले उनलाई पच्छाई रह्यो । कसको व्यग्र प्रतीक्षामा बसेकी उनी छिन छिनमा मोबाइल निकाल्छिन् र फोन गर्छिन् । मोबाइलको ब्यालेन्स सकियो ।

लघुकथा : कोरा कागज - 2018-01-09

किन र आज पनि तिम्रो बाबा तिमिलाई भेट्न आउनु भएन ! होम वर्क गरिरहेकी निशालाइ हेर्दै मैले सोधेँ । हैन आउनुभएको त थियो तर एकछिनमै उहाँ फर्कनु भयो,।

लघुकथा : हेलाँ - 2018-01-09

राधाआज धेरै नै खुसी भइरहेकी थिइन ता कि छोरो रमेश अमेरिकाबाट बुहारीसंगै घर आउँदै थिए नबदुलहीको मुख त फोटोमा मात्र देखेकी राधाले आमुने सामुने भेटिएकि त थिइनन् । एक्लो छोरो रमेसलाई अमेरिका पठाएर पढाउन रमेशको बुबा हरिले पनि अनेकौ दुख कष्ट गरि जोरजाम गरि पठाइएको थियो ।

लघुकथा : हाँस्न बिर्सिने उमेर - 2018-01-07

नेपाली गुरुले आफ्नै रफ्तारमा कक्षामा पढाएर सक्नु भो । बिभिन्न उदाहरण दिएर, एक पछि अर्को प्रेरणा थप्दै गुरु भन्दै हुनुहुन्थ्यो - तिमी हरुलाई हरेक क्षेत्रमा, हरेक बिधा जस्तै कथा, कबिता, निबन्ध, बाद बिवाद सबैमा काम लाग्छ आजको बिषय ।

लघुकथा : ऋण - 2018-01-03

ए साहिला बुढा, अब माथल्लो तल्ला थपौ है, हामी माथी बसौं र तल पट्टीको सबै फल्याटै भाडामा दिऊँ भन्दै थिई मेरी साहिली बुढी। कहाँबाट पैसो ल्याउ, माथल्लो तल्ला थप्न ? मुखले भन्ने बित्तिकै सजिलो छ र ?

लघुकथा : खाम - 2017-12-28

किन हो किन आज अचानक कमल धेरै नै उदास देखिन्थ्यो । उसले सोच्न त सोचेको थिएन त्यती उर्लिदो छाल आफ्नो जिबनमाथी आइलाग्छ भनेर । स्वीकार्न नचाहाँदा नचाहँदै त्यो फूल स्वीकार्नु पर्यो जुन फूल नै आज उसको लागी अप्रत्याशित भुल भयो । एकछिन त पहिले उ समयको बेगसंगै भुलेर बस्दै थियो ।

लघुकथा : रुख मै घर - 2017-12-28

कुनै जंगलको बिचमा दुइ दम्पति दाउरे र उनको श्रीमती बस्तथे । उनिहरुको न छोरा छोरी न कोहि आफ्न्त नै थिए । उनिहरु जंगलमै सानो कटेरो बनाएर बसेका थिए ।

लघुकथा : म्यादी प्रहरी - 2017-12-25

सरकारी अफिसर हुने धोको थियो । कैयौ पटक लोकसेवा दिए पास भए अन्तरवार्तामा फालियो । जागिरको धोको छोडेर विदेश जाने चक्करमा लागें । गैरी खेत गुमाए । रोजगारी दिन नसक्ने मुलुकमा बेरोजगारीको दुखेसो सुनि दिने कसले ?

लघुकथा : सगरमाथा बाट - 2017-12-24

संसारकै अग्लो चुचुरो सगरमथाबाट पृथ्वीलोकका गतिविधिलाई नियाली रहेका भगवान शिवजी एकपल्ट विषभाङ धतुरोको नसाले निकै गहिरो निद्रामा परेका थिए । त्यसै बेला सगरमाथा आरोहीहरुले गरेका फोहोरबाट आफ्ना स्वच्छ स्थल प्रदुषित गरेकोमा पत्नी पार्वती निकै दुखी भएकी थिइर्न ।
1 2 3 4 NEXT

कृति समिक्षा तथा समालोचना





नव साहित्य डट ओआरजी

Main Road,Hetauda ,
Makwanpur
+977-9851177389
http://nabasahitya.org,
Email: nabasahitya@gmail.com

संचालन तथा प्रायोजनको हक सर्बाधिकार © नब साहित्य डट ओआरजी २०७२ मा सुरक्षित रहनेछ ।
328120 Times Visited.

Powered by: Exclusively Solution
Top
Content