कविता - गद्य कविता



कविता : तिमी

थोत्रो टिनको बट्टामा
हाम्रो जीवन थापी हिंड्ने तिमी
पाप्रा पाप्रामा रंग टुक्रिएको
थाङने झोलामा
हाम्रो जीवन बोकि हिंड्ने तिमी ।

प्रत्येक बिहानिको सिंदुरे लालीसँग

सुरु हुन्छ तिम्रो जीवनको दिनचर्या

थरथर थरथर थरथराउँदै शरीर 

साँढे पाँचफिट अग्लो 

आफू जस्तै लौरोमा जीवन अड्याएर

बग्छौ निरन्तर बगि रहन्छौ तिमी 


वात्सल्यको घेरामा बन्दी

आफ्नो अभिशप्त जीवन गुनगुनाउँदै

विरक्तिलो विरसिलो उराठ

अनुहारमा अनुदित

लाचार आमाकी प्रतिबिम्ब तिमी

अभिशप्त मरुभूमिको बगरमा

भविष्य हाम्रो च्याँखे थाप्दै हिंडछौ तिमी ।


तर ...तर कुनै मरुभूमिको

वाफिलो हावाको झोंकाले

उडाएका बालुवा छोप्न सक्दैनन् 

तिमिभित्र उर्लेका आशातित क्षितिज ।


तिमी पलपल क्षणक्षण

तिरस्कारको नदी पौडेर ओभानो पारी पुग्छौ

उपेक्षाको छालमा निरन्तर बहेरै पनि

आद्र आँखाको संघारमा अडेको

उत्कण्ठ आकांक्षामा बाँध हाल्दै

एक अन्जुली हाम्रो जीवन 

बचाउने सपना साँची रहेछौ तिमी ।


अशक्त कमजोर तिम्रो शरीर

कुनै सुनामीको छालले बगाउन सकेन

तिमिभित्रको प्रदिप्त वात्सल्यमय हृदय 

विपन्नताको डढेलोले खरानी बनाउन सकेन ।


घरिघरी अभावग्रस्त 

हाम्रो जीवनको बलेंसीमा

चिहाउन खोज्ने एक मुस्लो मृत्युलाई

साहसको उज्यालो रश्मिपुन्जले

परास्त पारी हामीलाई जीवन्त राख्ने

तिमी हाम्री आमा हौ

हाम्री जननी जन्मदात्री हौ ।।


नब साहित्य डट ओआरजी

सम्बन्धित थप सामाग्रीहरु :

गद्य कविता : अभिमानी मान्छे - 2018-04-06

जब जब यो आँखा
चियाउँछु म आफै
झरेर रसिन्छ
मनका अन्तरंगहरुमा
किन बाजिन्छ?

गद्य कविता : मान्छेभित्र मानवता ह्रास भएछि - 2018-03-29

ऊपनि आफूजस्तै उसले चिन्दैन
मानवताकाे बिन्दुसम्म उसमा हुन्न
सकुन्जेल उसलाई मजाले पिस्छ
जसरी पिठाेसँग घुनपनि पिसिन्छ ।

गद्य कविता : प्रेम दिवस - 2018-03-28

मेरो बा जस्तै छ
यो प्रेम दिवस् ।
झुटो प्रेम लिला रचेर
तरुनी खेति फस्टाइ रहेछन
हर साझ मनाइ रहेछन
एउटा रङ्गीन बिस्तारामा प्रेम दिवस
एक हुस्न साटेर

गद्य कविता : सम्बन्ध - 2018-03-26

केही नहुने रहेछ
सम्बन्धमा मेरा लागि तिमी र
तिम्रा लागि म एक अपरिचित भए पछि

कविता : Discount अनुहार - 2018-03-26

30 percent flat !!
flipcartमा बेचिन्दो हो
चिया बगान अनुहारहरु...

गद्य कविता : आस्थाको समवेदना ! - 2018-03-26

कुल्चेर मेरो आस्थाको धरोहर
भर्खरै उसले घोषणा गर्यो-
पूर्व निर्धारित मान्यताको बिरूद्ध

गद्य कविता : रातो घाम ! - 2018-03-25

ए रातो घाम !
आउ छाउ म माथि
रातो किरण बिजारोपण गर
उल्लासका साथ प्रत्यारोपण गर
म जन्माउँछु अर्को महाभारत
तर जन्माउदिन द्रौपदी ।

गद्य कविता : विवशता - 2018-03-25

अाँशु को ज्वार बनी
बहेको कविता लेख्छु
अदृष्य घाउ पनि
सहेको कविता लेख्छु !

गद्य कविता : गाईमारा भर्सेस् भाइमारा - 2018-03-25

स्कुल पढ्दादेखि नै
नगर्नु पर्ने शंका गर्थे
साथीहरूले मलाई ।
गुरूहरू
अापसी कानेखुसी गरेको सुन्थें
साउती मारेको देख्थेँ
यसको पुर्खाले त गाई खान्छ गाई
सायद अहिले पनि खाँदो हो ।

गद्य कविता : नदेख सपना ! - 2018-03-25

जब मेरो मौनता भंग हुनेछ
तब तिम्रो हार हुनेछ
हो,त्यतिबेला के दिन्छौ आफ्नो मानबताको परिचय
प्यारो मान्छे?
म चहान्न आफैलाइ छाडेर आफै संग टुंगिन,
म चहान्न आफैलाई लत्तायर तिमी संग रमाउन,
म भयर पनि म हुन सकिन भने
मेरो हालत के होला !
के तिमी कल्पना गर्न सक्छौ ??

गद्य कविता : देश ! - 2018-03-23

आकाशको कौसीबाट
तुर्लुङ्ङ झुन्डिएको जूनको त्यो फुर्को
तिम्रो जीवनको अँध्यारो बाटोमा उज्यालो हिँड्छ
मेरा उराठ पलहरूमा खुशी मुस्कुराउँछ
सबको निम्ति मुस्कुराउने
सुन्दर जून जस्तै हो देश ।
1 2 3 4 5 6 7 8 9 10 11 12 13 NEXT

कृति समिक्षा तथा समालोचना





नव साहित्य डट ओआरजी

Main Road,Hetauda ,
Makwanpur
+977-9851177389
http://nabasahitya.org,
Email: nabasahitya@gmail.com

संचालन तथा प्रायोजनको हक सर्बाधिकार © नब साहित्य डट ओआरजी २०७२ मा सुरक्षित रहनेछ ।
328146 Times Visited.

Powered by: Exclusively Solution
Top
Content