साहित्यिक गतिविधि - साहित्यिक कार्यक्रम



रुम्जाटार घोषणापत्र -२०७३ ।

प्रगतिशील लेखक सङ्घ,नेपालको दोस्रो राष्ट्रिय परिषद् बैठक २०७३ फागुन १३/१४ गते, रुम्जाटार, ओखलढुङ्गामा सम्पन्न भएको छ । यस बैठकले रुम्जाटार घोषणापत्र -२०७३ जारी गरेको छ ।
रुम्जाटार घोषणापत्र -२०७३

प्रगतिशील लेखक सङ्घको दोस्रो ऐतिहासिक राष्ट्रिय परिषद् बैठक पहिलो पटक राजधानी उपत्यका बाहिर प्रदेश नं. १ को ओखलढुङ्गा जिल्लाको रमणीयस्थल रुम्जाटारस्थित पद्मा हलमा सम्पन्न भएको छ । सङ्घका केन्द्रीय अध्यक्ष प्राज्ञ मातृका पोखरेलको अध्यक्षता र प्राज्ञ नर्मदेश्वरी सत्यालको प्रमुख आतिथ्यतामा सम्पन्न बैठकले साङ्गठनिक, वैचारिक र आर्थिक स्थिति, प्रगति र भावी चुनौतीको विस्तृत समीक्षा भई निम्न समसामयिक प्रस्तावहरु पारित गरी रुम्जाटार घोषणा, २०७३ जारी गरेको छ :

१. देशीय सामन्तवाद तथा पश्चिमा सांस्कृतिक साम्राज्यवाद र भारतीय दलाल एकाधिकार पुँजीवाद विरोधी साहित्यिक सांस्कृतिक आन्दोलनलाई साझा मोर्चाका रुपमा थप गतिशील बनाउन तथा घोषित कार्ययोजना र लक्ष्यहरु पूर्तीका लागि सम्पूर्ण प्रगतिशील स्रष्टाहरुका साथ एकीकृत र प्रभावकारी पहल गर्न प्रलेस प्रतिवद्ध छ ।

२. राष्ट्रिय जीवनका राजनीति, इतिहास, कला, साहित्य र संस्कृतिमा थोपरिएका विदेशी प्रभुत्ववादी छलछाम, षड्यन्त्र र हस्तक्षेप अन्त्य तथा न्यायपूर्ण, समतामूलक समृद्ध समाज निर्माणका लागि विचार र कलाको संयोजनसहित सिर्जनात्मक अभियानमार्फत् प्रतिवाद गर्दछ ।

३. मुलुकमा संविधानसभाबाट जारी भएको  नेपालको संविधानलाई राष्ट्रिय हित तथा अखण्डतामा प्रतिकूल नहुने गरी अस्थिरता र अन्योललाई चिर्दै राष्ट्रिय राजनीतिक सहमतिसहित प्रभावकारी कार्यान्वयनका लागि यो बैठक जोडदार माग गर्दछ ।

४. करिव दुई दसकदेखि हुन नसकेको स्थानीय तहको निर्वाचनको मिति आगामी वैशाख ३१ मा तोकिनुलाई स्थानीय सशक्तिकरण र लोकतान्त्रिक प्रक्रियाको संस्थागत विकासका सन्दर्भमा सकारात्मक ठान्दै उक्त निर्वाचन शान्तिपूर्ण, निष्पक्ष एवं भयरहितरुपमा सम्पन्न गराउन नेपाल सरकार र राजनीतिक दलहरुलाई आग्रह गर्दछ ।

५. समकालीन बुर्जुवा तथा उपभोक्तावादी साहित्यिक चिन्तनधारा तथा उत्तरआधुनिकतावादको नाममा अराजकताको वकालत गर्ने प्रवृत्तिविरुद्ध वैचारिक एवं सिर्जनात्मक अभियान जारी राख्ने निर्णय गर्दछ ।

६. राष्ट्रिय चाड, पर्व, रीतिरिवाज एवं संकृतिलाई जनसापेक्ष र त्यसमा प्रगतिशील वैज्ञानिक सांस्कृतिक रुपान्तरणका लागि वैचारिक र प्रशिक्षणमूलक अभियानात्मक तथा अध्ययन, वहश जस्ता कार्यक्रम सञ्चालनका लागि पहलकदमी लिने निर्णय गर्दछ ।

७. साहित्यिक र सांस्कृतिक क्षेत्रमा दिइने पुरस्कार तथा सम्मानका परम्परा र अभ्यासका नाममा हावी हुन खोजेको विकृति, नातावाद, कृपावाद र अलोकतान्त्रिक कार्यशैली अन्त्य गरी वस्तुवादी मूल्याङ्कनका माध्यमबाट अनुकरणीय पुरस्कार तथा सम्मान परम्पराको थालनी गर्ने निर्णय गर्दछ ।

८. सूचना र प्रविधिको व्यापकतम् प्रचलन भइरहेको सन्दर्भमा यसको उपयोगबाट सिर्जना र कर्मका कामलाई थप प्रभावकारी बनाउन आन्तरिक ताजगीकरण र स्वयं सक्रियताका माध्यमबाट सूचना आदान र सिर्जनात्क उपलब्धि हासिलका लागि प्रयत्नशील रहने निर्णय गर्दछ ।

९. ओखलढुङ्गा जिल्लाको समग्र विकास र रुम्जाटारको बहुआयामिक विकासका लागि भइरहेको सत्प्रयासको सह्राहना गर्दै प्रलेसं रुमजाटार विमानस्थलको स्तरोन्नती, पर्यटन, शैक्षिक गन्तव्यस्थल विकास एवं. जनजीविकाका सवालमा राज्यका तर्फबाट प्राथमिकता दिन माग गर्दछ ।

१०. यस प्रलेसको परिषद् बैठक आयोजना सफल बनाउन केन्द्रीय व्यवस्थापन संयोजन समिति, न्यानो स्वागत र सुन्दर व्यवस्थापनसहित स्थानीय आतिथ्यतामा अगुवाई गर्ने समाजसेवी सीताराम गुरुङ्, स्थानीय जनता समुदाय प्रलेस जिल्ला तदर्थ समिति, सनराइज आवसीय विद्यालय लगायतप्रति हार्दिक धन्यवाद व्यक्त गर्दछ ।

यसै अवसरमा प्रगतिशील लेखक संघ ओखलढुंगाको भेला आयोजना गरि युवराज दाहालको अध्यक्षतामा १५ सदस्यीय कार्यसमिति गठन गरिएको छ । उक्त समितिको उपाध्यक्ष सानू कोविद , सचिव बिएन श्रेष्ठ , सहसचिव कुमार काफ्ले र कोषाध्यक्षमा मनोज भट्टराई रहेका छन् ।
कुमार काफ्ले
सम्पादक / ओखलढुंगा,संस्करण


नब साहित्य डट ओआरजी

सम्बन्धित थप सामाग्रीहरु :

रुम्जाटार घोषणापत्र -२०७३ । - 2017-03-21

प्रगतिशील लेखक सङ्घ,नेपालको दोस्रो राष्ट्रिय परिषद् बैठक २०७३ फागुन १३/१४ गते, रुम्जाटार, ओखलढुङ्गामा सम्पन्न भएको छ । यस बैठकले रुम्जाटार घोषणापत्र -२०७३ जारी गरेको छ ।

प्रलेस परिसम्वाद कार्यक्रम' शृंखला - ४ सम्पन्न । - 2017-03-20

प्रलेस परिसम्वाद कार्यक्रम' शृंखला - ४ सम्पन्न । प्रगतिशील लेखक सङ्घ, नेपालको आयोजनामा प्रत्येक महिनाको पहिलो शुक्रबार आयोजना हुने 'प्रलेस परिसम्वाद कार्यक्रम' को चौथो शृंखला अन्तर्गत २०७३ साल चैत ४ गते 'जनआन्दोलनमा श्रष्टाहरुले खेलेको भूमिकाको सन्दर्भमा चैत्र ३ र चैत्र ३० को महत्व' विषयमा छलफल भयो । 

मोलुङ फाउण्डेशनकोे आयोजनामा ३ कृतिहरुको लोर्कापण । - 2017-03-20

मिति २०७३ चैत्र ५ गते शनिबारका दिन मोलुङ फाउण्डेशनकोे आयोजनामा पद्मकन्या क्याम्पस,बागबजारमा स्रष्टा खेमराज पोखरेलद्वारा रचित कृतिहरु लोर्कापण कार्यक्रम सम्पन्न भयो । उप्त कृतिहरु सम्पादन खेमराज पोखरेल आफैँले गर्नुभएको हो ।
मुख्य घर | नब साहित्य डट ओआजी

कृति समिक्षा तथा समालोचना





नव साहित्य डट ओआरजी

Main Road,Hetauda ,
Makwanpur
+977-9851177389
http://nabasahitya.org,
Email: nabasahitya@gmail.com

संचालन तथा प्रायोजनको हक सर्बाधिकार © नब साहित्य डट ओआरजी २०७२ मा सुरक्षित रहनेछ ।
245337 Times Visited.

Powered by: Exclusively Solution
Top
Content