बाल साहित्य - बालकविता



बालकविता : कमिला

माथिदेखि तल, तलदेखि माथि
हिँडेका छन् हेर भई साथी साथी
सोधेँ प्रश्न तिमीलाई -
के हुन् भन रमिला ?

केको कानेखुसी हो केको सट्यासुटु हो ?

टाउको टाउको जोडेर केको लुटुपुटु हो ?

एउटा लाइन भाँचेर अर्को लाइन फर्किने 

साथीसँग के भन्न मुन्टाे जाेत्दै अड्किने


छैन यिनको बानी, नराम्रो र नजाती

मिलीजुली हिँड्दछन् भई साथी साथी

उत्तर छैन अप्ठ्यारो -

कुरा बुझ्यौ जमिला ?


अाफू साना भए´नि ठुलै यिनको दल छ

त्यही भएर यिनको हात्ती बोक्ने बल छ

जसको हुन्न लफडा  झमेला र झगडा

तिनै हुन्छन् बलिया तिनै हुन्छन् तगडा


जता पनि देखिने यिनकै हुल ताँती

कता जाने होलान् यी भई साथी साथी

चिन्नुपर्थ्यो सजिलै -

चिनिनौ र ममिला ?

 

देख्दा फुच्चे भए´नि जुट्छन् ठूलै काममा

केही परी अाएमा हुन्छन् एकै ठाममा

छैन पेट अमिलो, छैन मन धमिलो

एकता र मित्रतामा रम्ने जात हो कमिलो


तनको सानाे भए´नि मनको ठूलो छाती

हिँड्छन्, हिँड्छन्, हिँडिरन्छन् भई साथी साथी

उत्तर अाई सकेन र ?

यिनै हुन् नि कमिला !

Related Documents:

   Related Pictures:

कृति समिक्षा तथा समालोचना





नव साहित्य डट ओआरजी

Main Road,Hetauda ,
Makwanpur
+977-9851177389
http://nabasahitya.org,
Email: nabasahitya@gmail.com

संचालन तथा प्रायोजनको हक सर्बाधिकार © नब साहित्य डट ओआरजी २०७२ मा सुरक्षित रहनेछ ।
329304 Times Visited.

Powered by: Exclusively Solution
Top
Content